KALIBO, Aklan—Uman nga ginkondena it Gabriela Women’s Organization ro padayun nga pagtinaas it presyo it produktong petrolyo.
Suno kay Ms. Lucy Francisco, regional chairperson it Gabriela Women’s Organization nga raya eun ro ika-34 nga beses nga paghueag it presyo it produktong petrolyo.
Madumduman nga umpisa Enero 1, nag-abot eun sa P10.20 ro kabilugan nga naidugang sa presyo sa kada litro it diesel, P7.95 sa gasolina ag P9.10 sa kerosene.
Bangud kara hay uman nga nagpanawagan ro grupong Gabriela sa gobyerno nga magpatuman it price freeze sa mga nagapangunang baeak-eon nga apektado sa pagtaas it presyo it petrolyo.
Nasayuran nga padayun ro pagtaas it presyo kara bangud sa imported nga diesel, gasolina ag gas rason nga nagasunod man ro Pilipinas sa dikta it presyuhan sa world market.
Ro presyo it petrolyo sa nasyon makarun nga dominggo hay epekto it paghueag sa international market ko nagtaliwan nga dominggo.
Nagmahae man ro presyo sa international market bangud nagsaka ro konsumo it mga nasyon bangud nga nagbukas eun ro ekonomiya apisar nga una sa gihapon ro paeag it COVID-19.
