BUSINESS News —- Ginpaabot it Moody’s Analytics nga mas madasig nga maga-umwad ro ekonomiya it Pilipinas makaron nga dag-on , apang bukon it kapareho kadasig sa pagtantiya it economic team ni Pangueong Rodrigo Duterte.
Sa tantiya it American think tank, magahampang sa 6.2% nga pag-umwad para sa 2022 ro maangkon it Pilipinas — mas madasig kaysa sa dati kara nga 5.6% projection.
Ro nasambit nga pagtantiya hay mas mabahoe pa sa overall economic growth sa 2021 nga 5.6%, nga sangkiri nga mas mataas sa 5 to 5.5% growth target band it Development Budget and Coordination Committee.
Sa pihak kara, para makaron nga dag-on, mas manaba man ro pagtantiya it Moody kumpara sa 7 to 9% goalpost nga gintaeana it mga economic manager para sa 2022.
Nauna eon nga ginhambae it National Economic and Development Authority nga ro 2021 nominal gross domestic product (GDP) hay una sa 99.4% it pre-pandemic 2019 nga ₱19.38 trilyon pesos.
Ro pinakabag-ong forecast it pag-umwad it Pilipinas it Moody hay ro ikaywa sa pinakamadasig sa rehiyon it Asia-Pacific, nga nagasunod sa Vietnam nga 6.5%.
