KALIBO, Aklan —- Nagsurender makaron nga adlaw it Huwebes sa mga awtoridad ro sangka 18-anyos nga eaeaki nga nag-aku nga imaw ro nagbuno-patay sa sangka 13 anyos nga binatilyo sa natabu nga kinagamo sa Purok 6, Brgy. Camanci Sur, Numancia ko Domingo it gabi-i, Marso 6.
Nakilaea ro suspek nga si Jowel Francisco, residente it nasambit nga lugar.
Base sa report, nagpangayo it bulig ro suspek kay Kagawad Randy Fernando it Brgy. Sugnod, Malinao para sa anang pagsurender.
Gin-agtunan it mga katapo it Kalibo Municipal Police Station si Francisco sa anang ginakahimtangan sa Barangay Tigayon, Kalibo.
Pormal nga ginturn-over ro suspek sa Numancia Municipal Police Station para sa nagakaigo nga disposisyon.
Kasong homicide ro ginpahaum nga kaso kontra kay Francisco.
