INTERNATIONAL News —- Nagpamalibad ro China nga mag-supply it mga aircraft parts sa mga eroplano it Russia.
Raya ro ginkumpirma it sangka opisyal it Russia’s aviation authority matapos nga maubusan it supply it components ro andang Boeing ag Airbus.
Nasayuran nga ginpuga makaron ro aviation sector it Russia it mga sanctions nga ginpapanaog it mga Western nations matapos nga salakayon ro Ukraine.
Nauna eon nga nagpaandam ro foreign ministry it Russia nga nabutang sa peligro makaron ro kaeowasan it andang mga pampasaherong eroplano.
Bangud kara, ginatinguhaan it Russia nga maka-usoy it source it mga piyesa sa ibang nasyon eakip ro Turkey ag India.
Sa makaron hay ginapa-rehistro it mga Russian companies ro andang mga eroplano sa Russia, kun sa siin kaabuan sa mga raya hay naka-register sa ibang nasyon matapos ro sanctions it US ag European Union sa aviation.
Ginaeauman nga igabalik ukon pagatapuson eon ro andang kontrata sa ibang nasyon kasunod it total ban it mga Russian airlines sa airspace it EU.
