KALIBO, Aklan—Nagapangatubang makaron sa grabeng kalisod ro mga driver it L300 van nga may biyaheng Kalibo-Caticlan vice versa bangud sa kawad-an it pasahero apisar nga ginpasugtan eon ro full seating capacity sa idaeom it Alert Level 1.
Suno kay Mr. Nonito Andrade, driver it L300 van nga haeos owa eon sanda it ginakita bangud sa kamahae it presyo it petrolyo.
Nagapabilin sigon nga maeaka ro numero it mga pasahero kamana man nga round trip eamang ro andang pagbiyahe.
Haeos 200 hasta 500 pesos eamang sigon ro andang limpyu kada adlaw nga depende pa sa nagasaka nga pasahero.
Masami sigon nga gina-abot sanda it daywang oras sa terminal antes makapanaw.
Ginpahayag dugang nga nagtao man sanda it konsiderasyon sa mga sumaeakay kung siin ro presenteng panueoktan it Kalibo paadto it Caticlan vice versa hay P130 samtang ro Kalibo hasta Ibajay hay P80.
Mag-eowas kara, nagatao man sanda it diskwentro sa mga estudyante ag senior citizen.
