KALIBO, Aklan–Planong padayunon ni Presidential candidate ag Vice President Leni Robredo ro Build, Build, Build Program nga gin-umpisahan it administrasyon ni Pangueong Rodrigo Duterte.
Apang, magatao sigon imaw it emphasize sa Public–Private Partnership (PPP) kung siin kinahang-ean nga ayuson ro pagdumaea agud nga maabu nga mga kapitalista ro magtao it kumpiyansa nga mag-invest sa nasyon.
Ginplastar man ni Robredo ro pila sa anang plano partikular ro pagtukod it mga infrastructure nga ginakinahang-ean it mga mangunguma ag maritime industry nga mabahoe nga bulig sa rural development kamana man ro pag-ayos sa mass transport, taw-an it importansya ro ginabue-an it tubi para masigurado ro bastante nga suplay ag ro climate resilience infrastructure para maging protektado ro mga pumueoyo eabi eon sa tyempo it kalamidad.
