KALIBO, Aklan—Kapin sa lima pang ka banwa sa bilog nga probinsya it Aklan ro nagapabilin nga may kaso it covid-19.
Raya hay ginakaeakipan it tig-daywa maghalin sa banwa it Kalibo, Banga ag Ibajay.
Samtang, tig-sambilog eon lang ro ginamonitor nga kaso it deadly virus sa banwa it Malay ag Numancia.
Ro nasambit nga mga aktibong kaso ginakabig nga local case kon siin ap-at kara ro admitted sa ospital, sambilog ro presenteng una sa facility quarantine ag tatlo ro naka-home quarantine.
Sa kabilugang datos nga ginpaguwa it Aklan Provincial Epidemiology Surveillance Unit it Provincial Health Office, ro bilog nga Aklan hay nakalista it 15,187 nga kaso it covid-19 kon siin 14,814 ro daeayon nga nagmayad matapos nga nagpaidaeom sa pagbueong ag quarantine period kamana man 365 ro ginbawian it hueam nga kinabuhi halin kat nag-umpisa ro pandemya ko Disyembre 2019.
