Japanese government, nagpaandam sa maeapnagon nga pagka-delay it kuryente

Nagpaandam ro gobyerno it Japan sa posibleng maeapnagon nga pagkaduea it kuryente sa Tokyo ag pilang kaeapit nga rehiyon bangud sa mabaskog nga linog ko nagtaliwan nga dominggo.

Suno kay Japan Minister of Economy, Trade and Industry Koichi Hagiuda, presenteng ginasuspendi ro operasyon it an-om nga planta sa andang lugar bangud sa kahalitan sa mga broiler, transformer ag turbine.

Bangud kara, nagpanawagan si Hagiuda sa publiko nga magtipid it kuryente apang bangud sa kalhit-kalhit nga pag-uean it yelo ag masyadong maeamig nga temperatura sa kabisera hay nagapabilin nga mabaskog ro demand.

Ginaeauman nga magapadayun ro operasyon it pilang planta sa katapusan it Marso samtang posibleng magpundo it pilang buean para sa pag-aayos it iba pa.