KALIBO, Aklan—Ginkumpirma it pamunuan it Banga-Kalibo Jeepney Transport Service Cooperative nga nabaton eon it pila sa andang miyembro ro P6,500 nga fuel subsidy halin sa Land Transportation Franchising and Regulatory Board (LTFRB) ag Department of Transportation (DOTr).
Suno kay Mr. Leandro Lenciano, Chairman it Banga-Kalibo Jeepney Transport Service Cooperative nga haeos sang dominggo eon ro nakataliwan matapos nga mapasa-alima it pila sa andang miyembro ro ayuda.
Apang, may pila sigon nga owa nakabaton matapos nga makaangkon it violation rason nga owa naeakip sa Pantawid Pasada Program (PPP).
Ginpahayag ni Lenciano nga ginmanduan nana ro andang sekretarya nga listahon ro tanan nga nakabaton para mai-follw up sa LTFRB ro mga owa pa nakasamit it ayuda.
Aminado man raya nga may pilang franchise stakeholder nga nagapamintaha rason para makaangkon it violation.
Ro kwarta sigon nga gina-download sa tagsa ka mga ATM cards hay dapat nga gamiton eamang para sa pagpatayon it gasolina sa accredited gasoline station ag hugut nga ginabawae ro cash withdrawal.
Sa pihak kara, gusto man nga ipaabot ni Lenciano sa LTFRB ro concern it pila sa andang miyembro angot sa deed of sale nga buyot gihapon it mga dating operator it behikulo.
Sambilog sigon raya sa mga rason kung ham-an indi makabuoe ro iba kanda it subsidiya halin sa gobyerno.
