NATIONAL News —- Kapin sa 845 nga kandidato ro ginakabig it Commission on Elections (COMELEC) nga ‘unopposed candidates’ ukon mga kandidatong owa it makaengkwentru.
Suno sa COMELEC, kabilugan nga 18,023 nga posisyon ro paga-awayan para sa lokal sa bilog nga nasyon sa maabot nga May 9 elections.
Sa kabilugan nga 253 nga paga-bakantehon nga posisyon sa Kamara De Representantes, 39 nga kandidato ro owa it makaengkwentru.
Sa 81 nga nagapadaeagan sa pagka-gobernador, siyam ro owa it maka-away samtang halin sa 81 nga nagakandidato, 11 sa pagka-bise gobernador ro unopposed.
Sa 782 nga posisyon sa miyembro it Sangguniang Panlalawigan, 45 kara hay owa it maka-atubang sa eleksyon.
Haeos 1,634 sa pagka-alkalde ag bise-alkalde ro maga-engkwentru apang 203 sa mga mayoralty bet ag 254 sa mga vice mayoralty bet ro owa it kontra.
Samtang, sa 13,558 nga bakanteng puwesto sa city ukon municipal councilors, 284 ro owa it kaaway sa maabot nga local elections.
