KALIBO, Aklan–Sa tunga it pagkalhit it mga disinformation sa social media, nagpanawagan ro Simbahang Katolika sa mga botante nga magboto sandig sa andang konsensiya kamana man ro hugut nga pangamuyo ag paggiya it Diyos.
Suno kay Fr. Tudd Belandres, kora paroko it St. John the Baptist Cathedral nga indi magpadaea-daea sa mga resulta it survey ukon political advertisement.
Kaeabanan sigon nga ginagamit ro social media sa pagpakalhit it mga kapurilan ag fake news.
Usisaon ag pamatian sigon ro andang mga plano ag plataporma de gobyerno agud nga makahim it desisyon kon sin-o ro angay ag bagay sa posisyon.
Kabay suno kana nga magpangibabaw ro kamatuoran sa maabot nga eleksyon sa Mayo 9.
Ro sin-o man suno kana nga mapili-an it botante sa pagkapangueo hay posibleng magdaea it pag-umwad ag reporma ukon eubusan nga pagkaeugmok it nasyon.
