Ginbulgar it Federation of Jeepney Operators and Drivers Association of the Philippines (FEJODAP) nga maeayo pa sa 100 percent it mga miyembro nanda ro nataw-an it fuel subsidy halin sa gobyerno.
Suno kay Boy Rebaño, National President it (FEJODAP), 30 percent pa eamang sa andang mga miyembro ro nataw-an it fuel subsidy kasunod it pilang serye it price hikes sa mga nagtaliwan nga buean.
Sambilog pa sa ginaproblemahan it pilang operator ro pagpamalibad it mga dating may buyot it unit nga itao ro andang PPP card.
Nagaguwa suno kana nga ro mga dating operator pa gihapon ro nakabaton it subsidy ag owa nanda raya ginatao sa mga driver.
Mag-euwas kara, uman sanda nga naga-apela nga kung pwede hay madugangan ro P6,500 nga fuel subsidy.
Matueopangdan nga kahapon gin-anunsyo it Land Transportation Franchising and Regulatory Board ro temporary suspension it fuel subsidy bangud sa spending ban it Commission on Elections angot sa nagahilapit nga eleksyon.
