KALIBO, Aklan–Nagpatigayun it “Oplan baklas” ro Commission on Elections (Comelec) sa palibot it Kalibo Pastrana Park.
Suno kay Ruel Imperial, Election Officer Assistant it Comelec-Kalibo, tuyo kara nga malimpyuhan ro plaza ag i-regulate ro poster it kada kandidato.
Dapat sigon nga sambilog nga poster eamang ro mabilin sa kada kandidato para mataw-an it kahigayunan ro iba nga makabutang.
Dapat sigon nga bue-on ro mga iligal nga nakapaskil nga mga posters ag election propaganda maskin sin-o pa ro nagkabit kara.
Nasayuran nga may una nga monitoring team ro komisyon nga maga-dokumento it tanan nga mga prohibited materials nga nakapaskil sa mga poste, puno, kable it kuryente ag iba pa agud nga mapahauman raya it kaso.
Madumduman nga uman nga ginpadayun it Comelec ro andang “Operation Baklas” sa mga campaign materials nga owa nagasunod sa gintaeana nga guidelines.
Ginpatuman raya it komisyon ko Marso 25 sa pag-umpisa it opisyal nga 45-day campaign period para sa mga nagapadaeagan nga kandidato para sa lokal nga posisyon.
