NATIONAL News —- Nagpatuman eon it ban ro Department of Agriculture (DA) para sa importasyon it mga produktong manok sa Pilipinas nga naghalin sa US.
Bangud raya sa nailistang kaso it Avian Influenza ukon bird flu sa nasambit nga nasyon.
Sa memorandum nga ginpirmahan ni Agriculture Secretary William Dar, ro importasyon it domestic ag wild nga pispis kaibahan ro karne kara, day-old nga isiw, itlog halin sa Missouri, South Dakota, North Dakota, Minnesota ag Iowa hay owa anay ginapasugtan.
Nasayuran nga base sa report it World Organization for Animal Health OIE, pilang kaso it Athogenic Avian Influenza ukon HPAI-H5N1 ro nailista sa nasyon.
Unang na-detect ro bird flu sa Pilipinas ko Enero 6 sa Barangay Barangka sa Baliuag, Bulacan.
Masunod raya nga nailista sa Bataan, Camarines Sur, Laguna, Nueva Ecija, Tarlac, Pampanga, Sultan Kudarat ag Benguet.
Sa makaron hay naga-abot eon sa P25 milyon ro gintaeana it gobyerno para sa mga nagapanag-iya it poultry nga apektado it bird flu sa nasyon.
