Nagabuylog nga gin-anunsyo nanday Senator “Ping” Lacson, Senator Manny Pacquiao, dating Defense Secretary Norberto Gonzales ag Manila Mayor “Isko” Moreno nga owa nanda gina-atras ro kandidatura sa pagka-pangueo.
Pahayag raya it ap-at nga presidential candidates sa ginhiwat nga joint press conference sa Manila Peninsula Hotel sa Makati City, kadungan it Easter Sunday.
Suno kay Isko, ro kada isaea kanda hay magapadyaun sa tagsa-tagsa nga kandidatura agud nga maging nagakadapat nga lider it nasyon.
Nakapirma man suno kana sa parehong statement si Pacman apang pag-abot pa eamang sa venue kat anang basahon sa publiko.
Nagtambong man sa joint press conference sanday Vice Presidential candidate Vicente Sotto III ag Dr. Willie Ong.
Nasayuran nga hugut ro seguridad nga ginpatuman sa guwa pa eamang it hotel sa Makati.
Una eon nga ginpahayag it pilang analysts nga ro 2022 presidential elections hay medyo two-way fight sa tunga nanday Sen. “Bongbong” Marcos ag Vice President “Leni” Robredo nga sanda man ro hugut nga nagka-engkwentro sa vice presidency ko 2016 elections.
