KALIBO, Aklan—Naga panangison nga nag dangop sa Bombo Radyo Kalibo ro sangka kalamansi vendor agud nga magpangayo it bulig pinansyal para sa ana nga umagad nga presente nga nakaconfine sa Panay Health Care Hospital.
Sa pahayag ni Delia Flaviano, tumandok it Brgy. Cerrudo, Banga nga confine asta makaron sa Panay Health Care Hospital si Archie` Sanipa, 41 anyos taga Cerrudo, Banga ag indi makaguwa bangud sa masobra sa tunga sa milyon nga hospital bill.
Suno kay Delia, kumpurmi eang gid sa anda nga pagkaon adlaw-adlaw ro gina kita nanda sa pagbue-baligya it kalamansi ag masami eon lang nga imbes bak-eon it pagkaon hay itigana lang ro kwarta pang bakae it bueong ni Archie.
Madumduman nga nadisgrasya sa bahin it Antique si Archie ku nagtaliwan nga March 30 ag naka angkon it grabe nga lastro partikular sa ueo.
Ro sin-o man nga may binueawanon nga tagipusuon ag gusto magpaabot it bulig sa pamilya ni nanay Delia hay puwedi niyo mahatod sa Panay Health Care Hospital ukon sa istasyon it Bombo Radyo Kalibo.
