NATIONAL News —- Ginklaru it Philippine Health Insurance Corporation (PhilHealth) nga nagasunod eamang sanda sa joint memorandum it Department of Health (DOH) ag Commission on Higher Education (CHEd) angot sa pag-obliga sa mga estudyante nga magbo-oe it health insurance antes nga makabalik sa face-to-face classes.
Suno kay PhilHealth Vice President for Corporate Affairs ag Spokesperson Dr. Shirley Domingo, tuyo kara nga maprotektahan ro mga estudyante engkaso nga tamaan sanda it COVID-19 ukon iba pang sakit.
Kinahangean eamang sigon nga magparehistro ro mga estudyanteng naga edad 21 pataas para makaibahan sanda sa database it PhilHealth ag mapadasig ro pag-access sa mga benepisyo.
Samtang, ginpaathag man ni Domingo nga ro tanan nga mga Pilipino hay otomatikong miyembro eon it PhilHealth sa idaeum it Universal Health Care Law.
