BALITANG Espesyal — Nakabaton it Guinness World Record Title ro sangka 100-anyos nga eaeaki sa Brazil bangud nga 84 years eon imaw nga empleyado it sangka kompanya!
Kinse anyos eamang si Walter Orthman ko 1938 kat magsueod imaw sa textile company nga Industrias Renaux S.A. bilang assistant sa shipping department.
Bangud sa pagiging mahugod ag matiyaga, na-promote imaw bilang administrative assistant ag ko ulihi hay naging sales manager nga ginapadaea it kompanya sa nagkaeain-eain nga parte it kalibutan .
Ko nagtaliwan nga Pebrero 2022, si Orthman hay officially inducted eon sa Guinness Book of Records sa titulong “longest Career in the same company”.
Ko Abril 19, 2022, nagselebrar imaw it ika-100th birthday ag owa pa imaw it plano nga magretiro sa kompanya.
Ginpangutana si Orthman kun ano ro kinaiba it pagtrabaho ko 1938 kumpara sa makaron, ro anang sabat hay mas madali makaron bangud sa teknolohiya.
Nagpasaeamat imaw sa modern technology bangud nga indi eon kinahangean nga mag-travel it maeayo para eamang sa sangka meeting bangud nga puwede eon raya nga obrahon online.
Laygay ni Orthman, agud nga magbuhay sa trabaho, pila sa anang mga tips hay likawan nga maakig, likawan nga makaangkon it kaaway, maka-intigo nga magpangayo it tawad ag hibaygan eamang ro problema.
