BALITANG Espesyal —- Nagapa-dentista ro 60-anyos nga si Tom Jozsi it Illinois kat aksidenteng nasinghot nana ro dental drill bit it anang dentista!
Nagapabutang it tooth filling ukon pasta si Jozsi kat makabatyag imaw it pag-ubo.
Owa nana nasayuran nga nasinghot eon gali nana ro one inch drill bit ag dumiretso raya sa anang lungs.
Suno sa pulmonologist ni Jozsi nga si Dr. Abdul Hamid Alraiyes, naagto sa ubos it tuo nga baga ro drill bit ag naging rason agud nga mag-ubo ro pasyente nga may kaibahan nga dugo.
Nagpaidaeum sa emergency procedure si Jozsi ag na-retrieve ro drill bit pinaagi sa robotic bronchoscopy, sangka technique nga nagagamit it manipis nga catheter para ma-detect ro mga tiny lung cancer nodules.
Nag-abot sa 90 minutes ro operasyon ag naging successful ro mga doktor nga mabo-oe ro drill bit.
Owa it naangkon nga damage sa lungs si Jozsi ag nakauli eon man matapos ro procedure.
Sa makaron, mayad eon si Jozsi ag gintago nana ro drill bit bilang souvenir.
