BALITANG Espesyal —- Ginkumpiska it mga Spanish police ro masobra sa 1,000 pieces it mga taxidermy animals ukon ro mga gin-preserbang bangkay it mga sapat.
Suno sa mga awtoridad, nagabalor ro nasambit nga koleksyon it $32 million dollars.
Kaabuan sa mga raya hay specimen it mga endangered animals ag ro pila sa mga raya hay totally extinct animals ukon mga sapat nga indi makit-an maskin siin .
Natabu ro raid sa sangka mabahoe nga warehouse sa banwa it Betera sa Eastern Spain.
Nag-medyu museo ag zoo ro 50,000 square meter warehouse bangud sa kaabuon it mga preserved animals nga nag-abot ro numero sa 1,090.
Pila sa mga raya hay ro mga elepante, white rhino, cheetah, leopard, lion, crocodile, tiger, polar bear ag scimitar orix, sangka sapat nga gindeklarang “extinct in the wild” ko dag-on 2000.
Mag-eowas kara, nakit-an man ro 198 bilog it elephant tusk, pilang bangko nga himo sa siki it elepante ag pungkuan nga may mga panit it buwaya .
Nasayuran it mga awtoridad nga ro nagapanag-iya it nasambit nga mga private collection hay sangka prominenteng businessman halin sa Valencia, Spain.
Suno kana nga gin-mana eamang nana raya halin sa anang ama.
Sa makaron, gina-imbestigahan kon may gin-eabag nga environmental crimes ag smuggling ro businessman.
