KALIBO, Aklan–Sa unang kahigayunan sa kasaysayan it eleksyon sa nasyon, gindomina it grupong Tibyog Akean ro mga nailihir nga kandidato sa bilog nga probinsya it Aklan.
Suno kay Vice Governor Atty. Reynaldo “Boy” Quimpo, haeos tanan nga mga nagdaeaog sa 17 nga kabanwahan hay halin sa andang grupo.
Bangud kara, makit-an sigon ro pagsalig it mga pumueoyo matapos nga uwa sanda ginpabay-an sa kakatapos eamang nga eleksyon.
Sa pihak kara, eubus man ro anang pagpasaeamat sa tanan nga mga Aklanon sa uman nga pagsalig kana bilang bise gobernador it Aklan sa ikatlong termino.
Ginpasiguro kara nga kaibahan ro bag-ong gobernador nga si Ibajay mayor Joen Miraflores hay padayon nanda nga igaduso ro mga programa nga naumpisahan it presenteng provincial government partikular ro mga social services nga eubus nga kinahang-ean it mga pumueoyo.
Nasayuran nga nagpangibabaw si Quimpo nga nakabueo it 143,761 votes kontra sa kaengkwentro kara nga si Jonathan Cabrera nga nakalista it 92,127 nga boto kamana man si Nolly Sodusta nga nakaangkon it 59,746 votes.
