SP member Neron, eubos ro pagpasaeamat sa uman nga pagsalig kana it mga pumueoyo

KALIBO, Aklan–Hantop sa tagipusuon ro pagpasaeamat ni Aklan 1^st district board member Nemesio Neron matapos imaw nga uman nga magdaog sa kakatapos eamang nga eleksyon.

Suno kay Neron, ro suporta ag uman nga pagsalig nga gintao kana it mga pumueoyo sa unang distrito it probinsya hay mabahoe nga bagay agud nga mapadayun ro anang pagserbisyo.

Raya sigon ro anang magiging inspirasyon para mas pang magtinguha para sa kamaeayran ag kaumwaran it bilog nga probinsya.

Maabu pa sigon ro anang plano ag gustong ubrahon nga siguradong makabulig sa mga ordinaryong pumueoyo.