BUSINESS News — Nagapameligro eon man nga magtaas ro presyo it tinapay bangud sa atrasadong mga delivery it raw materials.
Raya ro ginpahayag ni Philippine Federation of Bakers’ Association Vice President Luisito Chavez sa tunga it naka-abang nga global food shortage, nga nag-umpisa eon sigon nga mabatyagan sa nasyon.
Dapat sigon nga taw-an it atensyon it gobyerno ro pagtanum it agricultural crops nga magamit it mga bakers agud nga mapanaba ro production cost ag makabawi ro maisot nga negosyo.
Tuyo kara nga maangkon ro food stability ag indi eon masyadong magsalig sa mga imported nga raw materials.
Nauna eon nga ginpahayag it Bangko Sentral ng Pilipinas (BSP) nga ro owa it untat nga price increase it oil products, nagapangunang food items ag paghina it piso ro nagapangunang rason it pagtaas it presyo it mga baeak-eon.
