KALIBO, Aklan–Ginapanan-aw it pilang sports analyst nga mas magiging exciting ro Game 3 it NBA finals sa tunga it Golden State Warriors ag Boston Celtics.
Nasayuran nga patas eon ro daywang koponan sa 1-1 matapos nga makabawi ro Warriors sa Game 2 ko adlaw it Lunes.
Raya hay matapos nga magpakita it malig-on nga depensa ro Warrios sa pagpanguna ni Stephen Curry.
Suno kay Banga Sangguniang Bayan member Jocel Rata nga mas magiging makaabang-abang eon ro mga masunod nga hampang it daywang koponan nga parehong uhaw sa kampeonato.
Dapat sigon nga indi maging kampante ro Celtics apisar it ginatawag nga homecourt advantage.
Ro game 3 hay pagahiwaton sa territoryo it Celtics partikular sa CBS Sporting Club, Foxborough, Massachusetts, hin-aga adlaw it Huwebes.
