Hinadlukan sigon ro pamilya San Vicente sa naging pahayag ni PNP OIC chief, Lt. Gen. Vicente Danao Jr. kontra sa SUV driver nga nagbangga sa security guard sa Mandaluyong City rason para boluntaryong ginsurender nanda mismo kay PNP chief sa Camp Crame ro suspek.
Kaibahan it suspek nga nagsurender sa Camp Crame ro anang mga ginikanan ag abogado.
Ginsurender man it pamilya ro saeakyan nga ginamit it biktima sa hit-and-run case ag presenteng sa paghinakop eon it PNP HPG sa Camp Crame.
Suno sa abogado it pamilya nga si Atty. Danny Macalino, gusto sigon ni Antonio nga magpangayo it pasaylo sa natabo bangud owa man sigon imaw naila nga matabo ro nasambit nga inisidente,hinadlukan sigon si Antonio ag nag-panic rason nga nahimu nga paeagyuhan ro biktima.
Ginpasiguro man it ama it suspek nga haum sanda sa pagbulig sa tanan nga kinanghaeanon it biktimang security guard ag ro pamilya kara nga nauna eon nga daehon sa ospital.
