KALIBO, Aklan–Nagpositibo ro tatlo sa mga drivers nga ginpaidaeum sa surprise ag random drug testing sa operasyon nga ginkasa it Land Transportation Office (LTO-6) ag Land Transportation Franchising and Regulatory Board (LTFRB) sa Barangay Tigayon, Kalibo.
Gindaea ro tatlo sa Kalibo Municipal Police Station ag ginkumpiska ro andang mga drivers license it mga tawuhan it LTO.
Igapaidaeum pa sa confirmatory test ro specimen it mga nagpositibo bilang kaparte it proseso.
Sa interview it Bombo Radyo, aminado ro sambilog sa mga truck driver nga nagpamalibad nga magpamitlang it pangaean nga nagagamit imaw it illegal nga droga, apang bukon it permanente ukon mabuhay eon nga tiempo ro nagtaliwan.
Naghalin sigon sanda sa Negros kahapon it hapon ag nakataeana nga magabiyahe paagto it Bacoor Cavite nga maga-agi sa Caticlan jetty port.
Tuyo it pagpatigayon it random drug testing nga masiguro nga malimyo sa ginabawae nga droga ro mga nagamaneho it mga pampublikong saeakyan eabi eon ro mga nagabiyahe it maeayu-an.
