KALIBO, Aklan—Makabig nga sangka espesyal nga adlaw para sa mga pumueoyo it Japan ro selebrasyon it Father’s Day.
Kapareho sa United Kingdom ag iba pang western countries, gina-selebrar man it mgaa Japanese ro Father’s Day kada ikatlong dominggo it Hunyo.
Suno kay Bombo International Correspondent Josel Palma nga ro kada pamilya sa andang nasyon hay nagapahaum it “special meal” nga andang pagasaeuhan ag ro mga unga hay nagatao it regalo sa andang ama.
Ro Father’s Day suno kana hay nagasimbolo sa pagtao it pagpasidungog ag respito sa kada padre-de-pamilya.
Sa raya sigon nga tyempo, nagatao man it oras ro magpamilya para magtililipon para i-selebrar ro masadya nga okasyon.
Samtang, ro mga Overseas Filipino Worker (OFW) sigon nga maeayo sa andang pamilya hay nagahimo eon lang it pamaagi para mataw-an it daean ro selebrasyon pinaagi sa pakikipag-video call sa andang mga mahae sa kabuhi.
May iba man sigon nga nagatililipon sa parke pagkatapos nga magtambong it misa nga may daea nga pagkaon ag ilimnon.
