-- ADVERTISEMENT --
KALIBO, Aklan—Makabig nga simple apang masadya ro selebrasyon it Father’s Day sa Amerika.
Suno kay Bombo International Correspondent Greg Aguilar nga kaeabanan nga nagaselebrar ro magpamilya pinaagi sa pag-ihaw-ihaw ukon barbeque party sa andang ugsaran.
May mga mag-asawa man sigon nga ginapili nga magkaon sa guwa para iselebrar ro okasyon eabi eon kung maeayo ro andang mga unga.
-- ADVERTISEMENT --
Ro Father’s Day suno kana hay ginakabig man nga espesyal nga adlaw sa Amerika apang bukon it kasing garbo it Mother’s Day.
Raya man sigon ro kahigayunan nga makapaathag ro mga unga it andang pagpalangga para sa andang mga ama ag pagtao it importansya sa andang pamilya.
