Posibleng magpatuman ro Bangko Sentral ng Pilipinas (BSP) it back-to-back policy rate hikes sa tuyo nga mabawasan ro padayun nga inflationary uptrend sa nasyon.
Suno kay economist Chua Han Teng, posibleng ipasaka it central bank ro policy rates it hasta sa 25 basis points.
Gin-insister sa research note nga ro ekonomiya it nasyon nga nagarekober pa eamang halin sa pandemya sa tunga it nagahaeuga nga virus restrictions, hay nagakahueugan nga indi eon kinahangean ro extreme pandemic-era accommodation.
Madumduman nga nagpatuman eon ro BSP it hikes sa 25 basis points para sa unang kahigayunan umpisa ko 2018, rason nga nag abot ro overnight reverse repurchase facility sa 2.25%, overnight deposit facility sa 1.75%, ag overnight lending facility sa 2.75%.
Sa makaron nga kahigayunan ro inflation hay una eon sa 5.4% nga imaw ro fastest reading sa nagtaliwan nga tatlong dag-on umpisa nga mailista raya sa 5.2% ko December 2018, kumpara sa 4.9% ko Abril, 4.1% sa kaparehong buean ko nagtaliwan nga dag-on.
