Maabu ro pwedeng makalipatan sa adlaw adlaw, apang sangka bagay ro indi pwedeng matabu, ro owa pagsuksok it underwear.
Bukon it kapareho sa Western countries, kilaeang konserbatibo ro mga Pinoy rason nga big deal ro owa pagsuksok kara.
Base sa pagtuon, raya hay bangud sa social norm kun sa siin ro mga tawo nga owa nagasuklsok it underwear hay bastos ukon liberated.
Apang nasayuran baea ninyo nga may manami nga epekto sa eawas ro owa pagsuksok it underwear?.
Pwede kara nga malikawan ro impeksyon.
Sa owa pagsuksok it underwear, posibleng malikawan ro pag-angkon it urinary tract ukon yeast infection.
Kaeabanan nga gina absorb it underwear ro sobrang hueas ag mikrobyo.
Rason nga ro natipon nga hueas ro ginahalinan it fungus nga rason it pag angkon it yeast infections ag iba pang klase it impeksiyon.
Agud nga makapahuway down there, ginalaygay nga indi mag underwear eabi eon kon nagakatueog agud nga maging presko ag masoehay ro pamatyagan.
Ro makarondaya nga routine hay nakakabulig man agud nga makaangkon it manami nga mood sa pagbugtaw.
Pwede man sigon nga malikawan kara ro pag-itom it singit.
Mag-eowas sa komportable nga pamatyagan kon owa it suksok nga underwear, nakakabulig man raya agud nga mapanami ro sirkulasyon it atong dugo.
May pagtuon man nga ro owa pagsuksok it underwear hay nakakabulig agud nga malikawan ro mga digestive issue, kapareho it acid reflux.
Ro gutok nga underwear hay nagatuga it pressure, bukon eamang sa parte nga ginatakpan kara kundi maging sa tiyan.
