NATIONAL News —- Ginpahayag it Philippine Charity Sweepstakes Office (PCSO) nga owa sa gihapon it nakadaog sa haeos P300 million nga jackpot prize sa grand lotto 6/55.
Raya hay matapos nga owa nahulaan it mga bettor ro winning combination number nga 07-09-51-02-24-39 nga may premyong nagabalor it P298,452,472 nga ginbola ko Miyerkules it gabi-i.
Mag-eowas kara, owa man gihapon nadag-an ro jackpot prize nga masobra sa P8.9 million sa Mega lotto 6/45 matapos ro raffle draw nga may winning combination number nga 39-10-07-42-36-22.
Bangud kara, abangan ro masunod nga Grand lotto 6/55 ag Mega lotto draw sa Sabado.
Samtang, gin engganyo man it PCSO ro publiko nga padayun nga sakdagon ro andang lotto game bangud nga basi sanda eon ro masunod nga maging milyonaryo.
