Ginapalimpyuahan ni Pangueong Ferdinand “Bongbong” Marcos Jr. ro listahan it mga benepisyaryo it target nga social assistance programs it Department of Social Welfare and Development (DSWD).
Gusto sigon it Pangueo nga bue-on eon it ahensya ro mga benepisyaryo nga bukon it kwalipikadong makabaton it cash grants halin sa gobyerno.
Suno kay DSWD Secretary Erwin Tulfo, pila sa mga benepisyaryo ro graduate eon halin sa Conditional Cash Transfer program (CCT) ukon mas kilaea bilang Pantawid Pamilyang Pilipino Program (4Ps).
Partikular raya sa mga ginikanan nga ro mga unga hay nakatapos eon it pagtuon.
Apang, owa gin-surrender ro andang accounts ag padayun nga nakabaton it cash grants.
Ginaeauman man sa mga masunod nga dominggo hay magapagguwa it “amnesty” si Tulfo nga nagapanawagan sa mga unqualified 4Ps beneficiaries nga i-surrender ro andang accounts sa ahensya sa sueod it 30 hasta 60 diyas, engkaso nga mapas-eawan hay posible raya nga pasakaan it kaso.
Plano man kara nga ipatuman ro reward system kung siin makabaton it padya ro informer nga makaturo kung sin-o sa andang komunidad ro dapat nga bue-on halin sa listahan.
