DOLE, bukas sa pagpadayon it work from home arrangement sa mga piling sektor sa nasyon

Nakikipagtalakayan eon ro Department of Labor and Employment (DOLE) sa nagkaeain-eain nga ahensya it gobyerno angot sa isyu sa pagpadayon it work from home arrangement sa nasyon.

Ginpahayag it bag-ong Labor Secretary nga si Bienvenido Laguesma nga bukas imaw sa rekomendasyong paeawigon pa ro work from home arrangement sa nasyon apang  sa mga piling sektor eamang.

Raya ro anang sabat sa mga hinyo sa pag-amyenda sa Republic Act 11165 ukon ro Telecommuting Act sa pamaagi it pagpaeawig sa sakop kara ag pagtao eon man it P1,000 nga non-taxable allowance sa mga trabahador.

Sa makaron hay ginaistudyuhan eon nanda ro implementing rules and regulations sa telecommuting act.