BUSINESS News —Good news para sa mga motorista bangud nga pagaeauman sa masunod nga domingo ro mabahuean nga rollback sa presyo it mga produktong petrolyo.
Ginpahayag it oil industry source posibleng mabawasan it P6.30 hasta P6.50 per liter ro presyo it diesel.
Kapin sa P5.70 hasta P5.90 per liter man ro posibleng mabawas sa presyo it gasolina.
Ginkumpirma man ni Department of Energy-Oil Industry Management Bureau Director Rino Abad, ro posibleng mabahoe nga oil price rollback.
Sa pagtantiya it DOE posibleng maganaba it P4 hasta P6 per liter ro posibleng mabawas sa mga produktong petrolyo.
Ro mga ginaturo nga rason sa mabahoe nga bawas sa presyo hay ro lockdown sa Shanghai, China, interest hikes sa nagkaeain-eain nga nasyon ag resulta it recession nga makaapekto sa demand sa langis.
Kaeabanan nga opisyal nga gina-anunsyo it mga oil company ro price adjustments sa Lunes ag ginapatuman kada Martes.
