NATIONAL News — Haeos sang milyong benepisyaryo it Pantawid Pamilyang Pilipino Program (4Ps) ro pagaboe-on eon halin sa listahan it mga recipients it target nga social assistance, suno sa Department of Social Welfare and Development (DSWD) Secretary Erwin Tulfo.
Suno kay Tulfo nga paga-abuton ro ahensiya it tatlo hasta ap-at nga domingo para matapos nga limpyuhan ro nasambit nga listahan, kun sa siin ginatantiya nga 4.4 milyon ro benepisyaryo.
Gindugang pa ni Tulfo ro mabakanteng slots para sa conditional cash transfer program hay igatau sa mga bag-ong benepisyaryo bangud nga maabu man nga mga aplikante ro una sa waiting list.
Ag agud nga ipatuman ro mandu ni Pangueong Ferdinand Marcos, Jr. nauna eon nga ginhambae ni Tulfo nga magapaguwa imaw it sangka “amnesty” call para sa mga bukon eon it kwalipikadong benepisyaryo nga isurender ro andang mga accounts sa DSWD sa sueod it 30 ukon 60 diyas bangud nga kon indi hay paga-atubangon ro igapasaka nga kaso.
