Owa eon haeos nga nagahalin ro naispatan nga ginatos nga mga spinner dolphins sa baybayon nga sakop it barangay camanci norte sa banwa it numancia.
Suno kay john alcazarin, fisheries technician designate it municipal agriculture office it lokal nga gobyerno it numancia nga umpisa nga madokumento nanda ro grupo it mga dolphins ko nagtaliwan nga buean it hunyo hay nagapabilin eon ro mga raya sa nasambit nga lugar.
Nagapati sanda nga ro lugar hay bugana sa pagkaon ag malimyo ro tubi.
Ginakumpirma pa sigon nanda kon butanting gid man ro andang naispatan nga mabahoe nga isda sa lugar .
Engkaso nga magapabilin ro mga raya sa lugar hay mabahoe ro posibilidad nga maging tourist attraction sa ulihi ro dolphin ag whale shark watching.
Mabahoe suno kana ro andang pagpasaeamat sa mga mangingisda sa lugar sa pagbulig kanda nga maprotektahan ro mga dolphins.
Samtang, magiging kaibahan sigon nanda sa monitoring hin-aga nga adlaw it huwebes ro mga estudyante it UP-Miag-ao , bureau of fisheries and aquatic resources ukon BFAR ag office of provincial agriculture kamana man ro MDRRMO numancia ag bantay-dagat.
