KALIBO, Aklan—Eubus ro kakibot it sangka contributor it Social Security System ukon SSS matapos madiskubrehan nga naloanan eon it ibang tawo ro anang contribution sa nasambit nga ahensya.
Suno sa tagreklamo nga si Elner Zolina, gaplano pa eamang kunta imaw nga magloan apang sa makapilang nga inde maka-access sa anang account nadiskubrehan ko ulihi nga may nakaloan eon it salary ko Abril 8 ag calamity ko Abril 9 rason nga eubus ro anang kakibot ag uwa nana ginaeauman ro nasambit nga hitabo.
Bangud kara, insigida imaw nga nagdihon it reklamo agud nga macancel ro nasambit nga transaction.
Ana raya nga ginfollow ko nagtaliwan nga adlaw ag ginasugid nga uwa gihapon nacancel ro nasambit nga transaction.
Ginakabaeak-an makaron it tagreklamo nga base na release eon ro kwarta sa ana nga pangaean apang bukon it kana natugpa ag imaw makaron ro magbayad kamana man makaangkon it mabahoe nga problema sa ulihi.
