SHOWBIZ News — Since birth hay owa it pang-hugum ro aktres nga si Andrea Brillantes.
Suno kana nga tumaeagsahon ro anang kundisyong medikal nga ginatawag nga “congenital anosmia” nga owa it bueong.
Rason nga umpisa nga gin-unga hasta makaron hay owa nasayuran ni
Andrea kun ano ro hugum it nagkaeain-eain nga bagay.
“Wala po talaga as in pwede po akong ututan sa mukha,” saysay it aktres sa sangka interview.
Nasayuran sigon nana nga owa imaw it sense of smell kat gin-ututan it anang ama sa itsura kat unga pa imaw.
Naghueat sigon ro tanan para sa anang reaksyon apang owa sigon imaw it nahumgan.
Apang ro irony, mahilig sigon imaw sa pahumot. Kabulig sigon nana ro anang magueang ukon ro boyfriend nga si Ricci Rivero sa pagbakae ag pagpili it perfume.
Owa man sigon imaw it problema sa anang sense of taste kun sa siin masyado imaw nga mahilig sa sobrang sweet ag sobrang aslum nga pagkaon.
Gindugang pa kara nga owa imaw it anuman nga madumduman sa mga hugum apang bangud nga natawo imaw nga owa it sense of smell hay natun-an eon nana nga magpangabuhi nga makarondaya.
Sa kamatuoran suno kana hay bukon man it halata nga naga angkon imaw it nasambit nga disorder.
