KALIBO, Aklan–Sobrang kasubo makaron ro nabatyagan it sangka pet owner matapos nga magtaliwan sa pihak nga kinabuhi ro anang alagang ayam.
Suno kay Wendy Delos Santos, residente it Brgy. Lupit, Batan nga grabeng kasubo ro anang nabatyagan matapos nga mamatay ro anang mini poodle nga ginpangaeanan nana nga “Tino”.
Ginpahayag sigon it veterinarian nga ehrlichia ukon dengue sa mga ayam ro ginkamatay it anang alaga.
Una kara, nakaangkon anay it bleeding sa gums si Tino ko buean it Hunyo ag pagkataliwan it pilang dominggo hay naghaeok ro anang dueonggan.
Nasayuran nga waeong dag-on eon nga alaga it pamilya Delos Santos si Tino rason nga mabug-at para kanda ro anang pagkamatay.
Ginakabig eon man sigon nanda raya bilang miyembro it pamilya rason nga sobra ro andang pagabatyagon nga kahidlaw.
Ginpakamayad sigon nanda nga taw-an it maayos nga lamay ro ayam kung siin presente raya nga naka-haya sa andang baeay.
Ro eubong hay nakataeana eon sa adlaw it Lunes.
