INTERNATIONAL News – Patay tanan ro waeong crew it eroplanong ginapanag-iyahan it Ukraine nga bumagsak, sumabog ag nagkaeayo sa nasambit nga nasyon.
Suno kay Serbia Defense Minister Nebojsa Stefanovic, posibleng puro mga Ukrainian ro sakay it eroplano bangud nga ginapanag-iyahan it Ukraine ro eroplanong Antonov An-12 nga nadisgrasya.
Suno kay Stefanovic, naghalin ro eroplano sa Nis Airport sa Serbia sakay ro mga armas nga himo it Valir, sangka pribadong kompanyang naga-obra it armas ag pagadaehon kunta sa Bangladesh apang bukon it sa Ukraine kapareho it pagpati it iba.
Suno sa mga nakasaksi, nabatian nanda nga sobrang sangag ro eroplano, nagakaeayo ro makina samtang sa ere hasta nga bumagsak raya sa lugar nga owa it kabaeayan.
Ginkumpirma man it mga air traffic controller sa Greece nga nagpangayo ro piloto it permiso kanda nga maga-landing sa sangka paeuparan idtu apang owa eon naka-abot sa lugar.
