KALIBO, Aklan—Pabor ro pilang ginikanan sa pahayag ni Vice President ag Department of Education ukon DepEd Secretary Sara Duterte-Carpio nga indi eon iga-obliga ro mga estudyante sa mga pampublikong eskwelahan nga magsuksok it uniporme sa pagbukas it klase sa Agosto.
Nagapati si Emelinda Octavio nga mas pormal ag disente ro mga estudyante kon naka-uniform apang masyadong magastos eabi pa ag pito ro anang estudyante nga ginapa-eskwela makaron nga ginaeakipan it daywang unga ag limang apo.
Makalikaw sigon sa dugang nga gastos ro mga pamilya sa plano it bise presidente nga indi anay instriktong ipatuman ro pagsuksok it uniform.
Ginpahayag dugang nga masyadong malisod makaron ro pagpangabuhi kun sa siin mataas ro presyo it mga baeak-eon ag bagsak ro ekonomiya bangud sa epekto it pandemya.
