Pwede sa gihapon nga batunon ro mga stapled ag ginpilo nga 1,000 peso bill, mapa-polymer bank note man ukon paper bank note.
Suno sa Bangko Sentral ng Pilipinas (BSP) Managing Director Tony Lambino, napilo man ukon nayukot ro nasambit nga kantidad hay dapat sa gihapon nga batunon it mga establisyemento.
Maskin ro stapled nga 1,000 peso bill hay indi sigon makabig nga ilegal apang mas mayad nga indi raya pag-obrahon sa anuman nga peso bill.
Madumduman nga nag-viral sa social media ro isyu angot sa owa pagbaton it pilang commercial establishment sa ginpilo nga 1,000 peso bill nga polymer bank note.
Panawagan man ni Lambino sa publiko nga dahanan ro anuman nga peso bills ukon kwartang ginabuytan agud nga mas magbuhay ro kabuhi it mga raya.
Samtang, ginpahayag it BSP Official, ro pag-isyu nanda it 1,000 peso bill hay kaparte eamang it andang test circulation agud nga masayuran ro feedback it publiko angot kara.
