Kon ro sangka negosyante sa Kalibo shopping center ro kutan-on angot sa hana nga pagpaiway sa barangay ag sangguniang kabataan eleksyon sa maabot nga Disyembre 5 hay pabor raya nga mapabilin pa sa pwesto ro presenteng opisyal nga nagapamuno sa andang lugar.
Suno kay Mr. Jun Beltran it Brgy. Tigayon, Kalibo nga uwa imaw it igapintas sa andang kapitan rason nga paborable imaw nga mapaiway makaron nga dag-on ro eleksyon.
Apang, paano sigon ro ibang barangay nga nagaantus eon ro andang mga pumueoyo sa pagdumaea it presenteng opisyales ag gusto eon it mga raya ro pagbag-o kon siin mabahoe ro epekto kara kanda engkaso nga mapaboran sa senado ro hagna nga ginduso ni Sen. Jinggoy Estrada ag ginsundan man ni Sen. Chiz Escudero.
Ginpahayag dugang ni Beltran nga kon anu ro magiging kasugtanan it mga matag-as nga opisyales sa gobyerno hay dato gihapon ro masunod magiging pabor man ukon inde ro mga pumueoyo.
Nasayuran nga tuyo it pagpaiway it eleksyon nga nakataeana kunta sa Disyembre 5, 2022 hay para magamit pa sa amat-amat nga pagbangon it ekonomiya ro kapin sa 8 bilyon pesos nga gintaeanang pondo para pagagastuson sa nasambit nga eleksyon ag pagataeanaan eon lang it uman it budget sa target date nga unang Lunes it kaparehong buean sa 2023.
