Naga-abot sa masobra sa 112,000 pesos ro utang it kada Pilipino.
Raya ro ginpahayag it IBON Foundation kun pagatunga-on sa masobra sa 110 milyong Pilipino ro presenteng utang it gobyerno nga naga-abot sa 12.5 trillion pesos.
Nagaguwa sa datos it IBON nga kapin sa 112,678 pesos ro utang it kada Pilipino samtang kapin sa 473,543 pesos ro utang it kada pamilyang Pilipino kun pagatunga-on raya sa 26.3 milyong pamilya sa nasyon.
Suno kay IBON executive director Sonny Africa, nakaangkon it paeas-anon ro mga pobre bangud sa medyu nagapa-isoe nga tax system sa nasyon.
Gintumod ni Africa ro TRAIN ag CREATE law kun sa siin ginasaylo it mga mabahoe nga korporasyon ro ginpatong kanda nga buwis sa mga middle ag poor class.
Ginatantiya nga maga abot sa 12.49 trillion pesos ro utang it nasyon kun sa siin 8.66 trillion pesos kara hay local debt samtang ro 3.83 trillion pesos hay halin sa foreign debt.
