KALIBO, Aklan—Owa it anuman nga kabaeak-an sa ikamayad nga eawas ni US president Joe Biden matapos nga magpositibo sa COVID-19.
Suno kay Bombo International Correspondent Greg Aguilar it California, USA nga raya ro ginpasiguro it White House matapos nga makaexperiensiya eamang imaw it mild ukon bukon it grabeng sintomas.
Mag-eowas kara, fully vaccinated ro US president ag daywang beses man nga naturukan it booster shots.
Padayun sigon raya nga naka-isolate ag ginpa-inom it antiviral drug nga Paxlovid nga himo it Pfizer nga otorisado it US Food and Drug Administration.
Sa mayad nga swerte sigon ag nag-negatibo sa sakit ro first lady ag ro anang bise presidente.
Ginapatihan nga naghina ro immune system it 79 anyos nga si Biden bangud sa anang sunud-sunod nga foreign trips ag pakikipagsalamuha sa nagkaeain-eain nga mga tawo.
