Ginsiguro ni President Ferdinand “Bongbong” Marcos Jr. nga ginapaidaeom eon sa maid-id nga pagproseso ro kontrobersyal nga K to 12 school system.
Suno sa chief executive, tanan sigon nga mga kinahangeanon nga mga inputs ag points of view hay andang igakonsidera.
Kung madumduman nauna eon man nga ginpaabot ni DepEd secretary ag Vice President Sara Duterte ro nasambit nga isyu.
Sa pihak nga parte, gin-insiser man Marcos nga kinahangean eon nga matapna ro mga “horror’ stories sa mga eskwelahan nga may kaangtanan sa mahinang klase it mga education materials ag mga supplies.
Samtang, ginpadumdum man it presidente nga kinahangean nga bumandera sa international rankings ro mga Filipino students eabi eon gid sa Science, Technology, Engineering, ag Mathematics subjects.
Sa makaron, ginataw-an eon man sigon it paghuna-huna it gobyerno nga maka-angkon it mga programa para sa refresher courses ag re-trainings it mga teachers sa tunga eon man it madasig nga pagsueong it teknolohiya sa panyempo it post-pandemic.
