KALIBO, Aklan–Bangud nga uwa eon it nailistang nagpositibo sa covid-19 sa mga nakataliwan nga inadlaw, ginpakamayad it Macau government sa China nga amat-amat nga haeogaan ro restriction it andang mga residente ag mga pinoy nga presenteng nagatrabaho sa nasambit nga rehiyon.
Apang suno kay Bombo International Correspondent Emily Delos Santos nga nagapabilin gihapon ro mga partially lockdown hasta nga inde masiguro it gobyerno nga uwa eon gid it matamaan it virus.
Limitado gihapon ro pagbukas it ibang negosyo partikular ro ginadayo it maabong tawo bilang pagsunod eon man sa health measures nga ginapatuman it health authorities.
Extended suno kana ro partially lockdown it mga lugar hasta sa Agosto 2.
Engkaso nga magpabilin nga zero case sa sueod it sang dominggo hay posibleng dueaon eon man ro restriction sa mga ginlockdown nga lugar ag negosyo para makabalik sa normal ro hueag ag pagpangabuhi it mga tawo.
