Eubus nga ginakasubo it dating politician ag abogado nga si Atty. Harry Sucgang ro kamatayon ni dating Presidente Fidel V. Ramos.
Suno kay Atty. Sucgang, ulihi sanda nga nagkaibahan it dating presidente sa dinner nga ginpatawag ni dating Pangueong Rodrigo Duterte ko dag-on 2016.
Uwa suno kana nakit-an sa pangueo ro pagiging mahina sa pihak it anang edad.
Gindumdom ni Sucgang nga sa tyempo ni Ramos hay ginbansagan raya nga Tiger of economy bangud nga mabaskog ro ekonomiya it nasyon sa anang termino.
Kat imaw suno kana nagpungko pagkatapos ni dating pangueong Corazon Aquino hay uwa eon haeos it naeksperyensyahan nga brown-out ag grabe ro kalakalan sa nasyon.
Si dating Pangueong Fidel V. Ramos hay namatay sa edad nga 94-anyos.
Binawian it hueam nga kinabuhi ro ika-12 nga pangueo it nasyon bangud sa komplikasyon sa Coronavirus disease 2019 (COVID-19).
Si Ramos hay naging presidente it nasyon ko 1992 hasta it 1998.
Nagtapos raya sa U.S. Military Academy sa West Point, N.Y., ag University of Illinois sa U.S.
Nagsueod sa Philippine army ag nagserbi sa Korea ag Vietnam.// ko 1972 ni President Ferdinand Marcos hay gin-appoint nana si Ramos sa Philippine Constabulary.
Nagpatuman it martial law si Marcos, si Ramos ro responsable sa pagpatuman kara.
Ko 1981 si Ramos hay naging deputy chief of staff it armed forces.
Gin-onga ro dating pangueo ko March 18, 1928 sa Lingayen Pangasinan apang nagbahoe sa Asingan sa nasambit man nga probinsiya.
