Quarantine period it mga closed contact it monkeypox,  magabuhay it 14  hasta  21 diyas

Gin-anunsyo it  Department of Health (DOH) nga magabuhay it  14 hasta  21 diyas ro quarantine period para sa mga tawong na-exposed sa virus ukon  sakit nga monkeypox.

Suno kay health undersecretary Dr. Beverly Ho, mabuhay antes nga  makita ro sintomas it monkeypox rason nga ginpahaba ro quarantine period para sa mga nakaangkon it  closed contact sa tawong positibo sa nasambit nga sakit.

Ginpahayag dugang nga   bukon it masyadong  abu ro  bakuna it monkeypox sa  nasyon   rason nga kinahangean   pa nga magbakae  kara sa Amerika.

Samtang,  ginlaygayan  man it opisyal ro publiko nga mag-dahan sa mga nakakasalamuha eabi eon sa mga nakakahieawas  bangud sa  posibilidad nga matapnan it monkeypox.