KALIBO, Aklan—Padayon sa makaron ro kampanya it daywang nabilin nga kandidato para sa pagka prime minister sa United Kingdom.
Suno kay Bombo International Correspondent Ramil Isogon it United Kingdom nga maghalin sa 11 nga nagpadaeagan bilang mga aspirant candidates it nasambit nga posisyon hay si Rishi Sunak ag Liz Truss eon lang ro nabilin nga pagapilian it mga pumueyo sa nasyon.
Dugang pa kara maga-umpisa ro pagboto makaron nga adlaw it Lunes, Agosto 1, 2022
Kung siin sa Setyembre 2 man eubusan nga igasarado ro pagbueotohan ag Setyembre 5 igadeklara ro masunod nga prime minister.
Samtang owa pa sigon eubusan nga ginasarado ro botohan, ro daywang kandidato hay magalibot sa 12 nga mga lugar sa bilog nga nasyong UK para igaplastar ro andang mga plataporma.
